Токсичното пријателство не е составено само од една личност. Тоа што е токсично, секогаш влијае на најмалку две лица. Во некои случаи, и двете лица вклучени во ова пријателство имаат очигледни токсични однесувања. Во други случаи, сепак, едниот од двајцата е активен „агент“, а другиот пасивен, а вториот речиот секогаш има многу мала самодоверба. Не станува збор за идентификување на доброто или лошото, туку на несоодветните и деструктивните врски и начини на поврзување. Позната е девизата „Слични со слични се дружат“. Во човечките односи, свесно или несвесно, ги бараме и привлекуваме оние што имаат јаки и слаби страни слични на нашите. Честопати се случува личности со високо ниво на ментално здравје да се здружат со невротична или „токсична“ личност. Можеби ниската самодоверба и проблематичното, фрустрирачко детство наведуваат една личност да бара пријател со кого се создава ова токсично пријателство.

Понекогаш само треба модификација на ваквата врска, а понекогаш единственото решение е да ја раскинете. Во секој случај, важно е да знаете да ги идентификувате симптомите што укажуваат на токсична врска. Во продолжение, ви претставуваме некои од нив.

Во токсично пријателство, другиот постојано се деградира

Токсичното пријателство е вообичаено кај луѓето со ниска самодоверба. Еден од најштетните аспекти на овој вид врски е тоа што другиот не се деградира директно, туку тајно. Ако деградирањето стане јасно, тогаш тоа, веројатно, ќе доведе до прекинување на пријателството.

Во токсичното пријателство постои амбивалентност: истовремено сте и пријатели и непријатели. Во исто време постои близина и растојание. За поддршка на оваа двојна игра, се користи прикриена критика. Општо, ова се случува од двете страни и станува константно со текот на времето. Двете лица прават штета, но успеваат да ја сокријат. Целта е да се намали вредноста на другата личност и нејзините достигнувања.

Постојано се чувствувате лошо

Недвосмислен симптом на токсично пријателство е чувството кое останува откако ќе поминеме време со одредена личност. Понекогаш, чувствувате некаква тежина. Се чувствувате емоционално исцрпено. Може да се почувствува и некаква иритација, но причината не е јасна зошто тоа го чувствувате. Понекогаш дури се чувствувате виновни или тажни. Но што е пострашно, неизбежно продолжувате да го повторувате истото искуство, последователно, со секоја нова средба.

Негативни верзии

Некои пријатели се обединети од негативните заеднички ставови и карактеристики кои ги споделуваат. Понекогаш е доволна и критиката на другите. Во овие токсични пријателства озборувањата, интригите и клеветите се акцентирани. Се споделува разочарувачка гледна точка, што ги храни веќе постојните конфликти. Токму овој став ги обединува двата субјекта.

Нема реципроцитет

Здравото пријателство претпоставува реципроцитет и рамнотежа. Кај токсичното, нема реципроцитет. Токсичното пријателство одзема многу повеќе од она што го дава. Во реалноста, тоа е многу малку поврзано со пријателство. Може да има посебна меѓусебна симпатија, но начинот на кој е структуирана врската или начинот на кој се остварува врската, предизвикува да биде штетен и за обајцата. Проблемот не го претставува само другата личност, туку и онаа што пасивно го одобрува овој однос.

Понатаму, на вас останува дали ќе ја прекинете оваа „пријателска“ врска или ќе продолжите да примате токсини.