Титулата на Баерн не ги спаси Оливер Кан и Хасан Салихамиџиќ
Поранешниот генерален директор на Баерн Минхен, Оливер Кан и спортскиот директор Хасан Салихамиџиќ добија отказ веднаш по освојувањето на 11 последователна шампионска титула во Бундес лигата, соопшти германскиот клуб.
Многумина беа изненадени што Кан не беше меѓу почесните гости на мечот во Келн.
Најпрво се посомневаше дека станува збор за здравствени проблеми, но германските медиуми „Билд“ и „Кикер“ веднаш објавија дека на претходниот состанок им биле врачени оставките. Сега тоа стана и официјално.
Досегашниот заменик директор Јан Кристијан Дресен ќе го наследи Кан, додека за наследникот на Салихамиџиќ, како што се наведува, сè уште се одлучува.
Претходно денеска Баерн ја освои титулата со победата од 2:1 во Келн, но пред сè благодарение на Борусија Дортмунд која не ја искористи „меч-точката“ за титулата и освои само бод против Мајнц (2:2).