Таткото од Кичево што до смрт ја претепа 2-годишната ќерка бил приведен после обдукцијата, затоа што мајката во полиција првично тврдела дека девојчето паднало од плакар
После 22 дена борба за живот, во болница починало двегодишно девојче од Кичево, а полицијата го сомничи триесетгодишниот нејзин татко Ф.Д. дека ја претепал по што таа од повредите починала.
Полицијата го лишила од слобода Ф.Д. дури вчера. Тој се сомничи дека на 18 декември во семејниот дом во Кичево ѝ нанел тешки телесни повреди на неговата двегодишна ќерка која била пренесена за болничка помош во болницата во Кичево, а потоа во Клинички центар во Скопје каде на 8 јануари починала.
„Слободен печат“ од полициски извори дознава зошто апсењето не се случило веднаш туку после 22 дена и откако девојчето било починато. Според нашите извори, мајката првично во полиција дала исказ дека девојчето паднало од височина, од мебел, односно од шкаф. Потоа девојчето било однесено во болницата во Кичево, од каде на полицијата не ѝ биле дадени информации дека се работи за претепување. Дури откако стигнале резултатите од обдукцијата, станало јасно дека се работи за претепување.
Против Ф.Д. ќе биде поднесена соодветна пријава во координација со јавен обвинител.
Почина двегодишно девојче од Кичево во болница – таткото ја претепал
