Членовите на џудо клубот Сеишин, сестрите Тамара Илиоска и Теодора Илиоска го имаа својот прв натпреварувачки настап во 2026 година на еден од најголемите џудо турнири во Европа кој се одржа во Ајндховен, Холандија.

На турнирот учествуваа 1528 натпреварувачи од 17 држави и 272 клубови. Вкупно 53 натпреварувачки имаше во категоријата -57 кг. во која настапија Тамара и Теодора Илиоска.

Тие беа единствените натпреварувачки од нашата земја, со што достојно го претставија македонското џудо и својот клуб на ова силен турнир.

Тамара Илиоска имаше една борба со натпреварувачка од Холандија, а потоа и репасаж борба со џудистка од Германија.

Теодора Илиоска во првото коло беше слободна, во втората борба ги одмери силите со холандска натпреварувачка, а во третата репасаж борба со натпреварувачка од Германија.

Иако овој пат не беше освоен пласман, учеството на ваков силен и масовен турнир претставува огромно искуство, важен чекор во нивниот натпреварувачки развој и значајна промоција на македонското џудо на меѓународно ниво.