Талески го продолжи договорот со Вардар 1961
Македонскиот репрезентативец ќе го продолжи договорот со „црвено-црните“, односно уште една година ќе биде дел од Вардар 1961.
Филип Талески се врати во Скопје минатото лето од Германија каде играше за екипите на Рајн Некар Левен и Балинген.
Веќе е познато дека Стевче Алушовски на крајот од оваа сезона ќе ја напушти тренерската клупа, се шпекулира доаѓање на Веселин Вујовиќ.
Ново засилување е Анте Кудуз кој доаѓа од Романија, потоа Васко Шеваљевиќ има договор и за наредната натпреварувачка година, а како што информира „Балкан Хандбал“, клубот ќе го напушти и Германецот Кристиан Дисингер.
Талески кој во март наполни 25 години, се афирмираше во дресот на Металург за кој настапуваше од 2014 до 2017 година. На 43 натпревари за националниот тим постигна 109 голови.