Торнада и пожари, протести во Хонгконг и земјите на Јужна Америка, штрајкови во Франција, еколошки маршеви ширум светот, глад, војна и миграција, пукање во Нов Зеланд и пожар во Нотр дам, обид за почнување на процесот за отповикување на Доналд Трамп се само некои од настаните кои ја одбележаа 2019 година.

Екстремни температури, силни ветришта и разорни земјотреси оваа година ги предизвикаа некои од најсмртоносните несреќи. Од Бахамите, преку Албанија, па се до Австралија, бројните природни катастрофи ја шокираа планетата.

Оваа година во Албанија се случи еден од најсмртоносните земјотреси во поновото време. Во земјотресот загинаа 52 лица, додека околу 3.000 беа повредени. Тоа беше вториот силен земјотрес кој ја погоди оваа земја во период од само три месеци. Силни земјотреси имаше и во Чиле, Индонезија и Пакистан, а Бахамите ги погоди најсилниот циклон во нивната историја.

Граѓаните во Црна Гора со денови протестираат околу спорниот Закон за слободата на вероисповедта кој беше усвоен од црногорското собрание, а беше потпишан завчера и од претседателот Ѓукановиќ. Поради овој закон избувнаа големи протести во кои досега се повредени 4 полицајци.

Спорниот црногорски закон вперен против српската црква е и закана за Косово. СПЦ соопшти дека има сознание дека слични одредби и сличен закон се подготвува и во Приштина со кој ќе се одземе српскиот црковен имот на Косово.

Екстремни температури, силни ветришта и разорни земјотреси оваа година ги предизвикаа некои од најсмртоносните несреќи. Од Бахамите, преку Албанија, па се до Австралија, бројните природни катастрофи ја шокираа планетата.

Од светските настани би го издвоиле неодамнешното изгласување на Претставничкиот дом на Конгресот да го отповика американскиот претседател Доналд Трамп од функцијата претседател.

Трамп стана третиот американски претседател во 245 годишната историја на САД кој ќе се соочи со судење во сенатот и потенцијална смена од претседателската функција.

На референдумот одржан во јуни 2016 година, мнозинство на Британци гласаа за излез од Европската Унија. По неколку одложувања, избори и смена на премиери, т.н. Брегзит се уште не е завршен.

Британскиот премиер Борис Џонсон на изборите доби огромна поддршка со што практично доби и политичка сила да ја извади Британија од ЕУ. Брегзитот политички ќе биде спроведен на 21 јануари.