Светиниколчанец ѝ се заканувал на поранешната девојка од Скопје, кумановец ја демнел неговата бивша
Два случаја на мажи агресивни кој поранешните партнерки се забележани во полицискиот билтен во изминатиот ден.
Препорачано
-
1
-
2
-
3
Во првиот, сторителот-заканувач е уапсен.
„На 16.07.2026 во 16:40 часот во Скопје, на подрачјето на општина Аеродром, полициски службеници од СВР Скопје го лишија од слобода Б.С.(35) од светиниколско, по претходна пријава дека преку апликација на мобилен телефон и упатувал закани на неговата поранешна 40-годишна партнерка од Скопје. По целосно документирање на случајот ќе следува соодветна пријава“, пишува во полициското соопштение.
Вториот случај е забележан во Куманово:
„На 17.07.2026 во 01:30 часот во СВР Скопје, 30-годишна жена од Куманово пријави дека во периодот од месец јуни оваа година до поднесувањето на пријавата била следена од нејзиниот поранешен партнер Д.С., кој исто така ја вознемирувал со пораки. Се преземаат мерки за расчистување на случајот“, пишува во полициското соопштение.
