Денеска во првиот меч од седмото коло во Првата македонска фудбалска лига, Борец ремизираше 1:1 против Работнички, но можеше многу лесно велешките фудбалери да дојдат до сите три бода.

Како што и самите истакнуваат после одиграниот дуел, ова беше еден одличен првенствен натпревар со убави голови и добри потези и на двете страни.

Борец иако беше во негатива, се врати со прекрасниот погодок на Ѓоргиев и создаде многу шанси, имаше поголема иницијатива и посед на топката. Воедно се жали дека требаше да му биде досуден и пенал во второто полувреме, но според арбитрите било судиско убедување…?

„Ова беше седмо коло во ПМФЛ и на секој натпревар можеме да кажеме дека има спорен момент на наша штета.
Во прво коло имаме недолично однесување од судија кон нашата клупа и нашите играчи и неколку спорни офсајд напади на наша штета,

Второ коло црвен картон и безпотребни жолти картони за обични фаули на центар или во противничка половина,
Трето коло повторно црвен картон за старт на центар кога играчот е свртен со грб,

Четврто коло повторно пенал (имало допир?),
Петто коло се плашевме да нападнеме противнички играч поради фактот дека секој допир е фаул или пенал (и тоа се случи,секој допир е суден фаул за противникот и старт за пенал кој на микроскопска анализа и снимка имало намера за допир?)

Шесто коло,повторно пенал оти имало допир со рака а на видеото и со микроскоп не се гледа удар со рака и згора на тоа примен трет гол од чиста офсајд позиција што јасно се гледа на видеото и ситуација на 0-0 досуден непостоечки офсајд кога нашиот играч е очи во очи со голманот и
Седмо коло ситуација за пенал во која проценете и сами?

Со ова не сакаме да се правдаме, едноставно сакаме, фудбалска и судиска дебата и сакаме подеднаков критериум на сите судии и на секој натпревар.

Само така ќе имаме професионализам и фудбалски ќе успееме да го подигнеме нивото на Македонскиот фудбал“ – беше реакцијата на ФК Борец на фејсбук.