Суарез удри по Куман и екс претседателот Бартомеу: Се однесуваа со мене како да имам 15 години

Суарез минатото лето беше принуден да ја напушти Барселона/ фото: ЕPA-EFE/Kiko Huesca

Барселона одамна не се наоѓала на толку ниски гранки како сега, се наоѓаат на деветтото место во Ла Лига, а во Лигата на шампионите имаат два порази во два натпревари.

Како главен виновник за неуспесите, најголем дел од навивачите го посочуваат Роналд Куман кој прашање е дали ќе го дочека крајот на сезоната на клупата.

Како главен фаворит и на навивачите и на медиумите и на претседателот Жоан Лапорта фигурира легендарниот капитен од златната ера на Барселона, Чави Ернандез.

Но, поранешниот играч на Барселона, а сега член на Атлетико Мадрид, Луис Суарез во интервју за каталонски „Спорт“, вели дека е рано за Чави да се врати во Барселона и тоа како тренер.

– Како фан на фудбалот и на тоа што Чави го правеше на терените додека беше играч, мислам дека ова не е вистинскиот момент за да седне на клупата на Барселона. Не е моментот ниту денес, ниту утре ниту задутре. Чави е интелигентна личност и знае со какви проблеми се соочува клубот – вели Суарез кој нема дилеми дека Чави еден ден ќе седне на клупата на Барселона.

– Сметам дека ги има сите квалитети да биде тренер и сигурен сум дека еден ден ќе се докаже на клупата на Барселона и ќе биде успешен како што беше успешен како играч.

Според Уругваецот, кој минатото лето беше принуден да си замине од Барселона, виновни за тоа се Роналд Куман и поранешниот претседател Хосеп Марија Бартомеу.

– За моето заминување подеднаква одговрност имаат поранешниот претседател Бартомеу и Куман кој со мене се однесуваше како да имам 15 години. Што се однесува до актуелната ситуација, војната помеѓу Лапорта и Куман влијае на  сиблекувалната – додава Суарез.

Видео на денот