Страшна сообраќајна несреќа утринава однесе жртви на Ибарската магистрала во Србија, објави „Нова“.

Во директен судир меѓу патничко возило и камион, двајца загинаа на самото место, додека, пак, жена и деветгодишно дете со тешки повреди итно биле пренесени во Белград.

Несреќата се случила под сè уште неразјаснети околности, а силината на ударот била толкава што колата била речиси целосно уништена.

На терен, покрај повеќе екипи на Итната помош, излегле и пожарникари-спасувачи кои со сечење на лимот дошле до загинатите и до повредените.

Лекарите можеле само да ја констатираат смртта на двајцата од автомобилот, додека, пак, жената и детето веднаш биле упатени кон здравствени установи во Белград.

Според неофицијални информации, двајцата повредени биле примени со тешки телесни повреди, опасни по живот.

ВИДЕО | Струмичанец излетал со кола од патот Штип – Радовиш, пожарникари го ваделе од возилото