Столтенберг: Ситуациите во Газа и Украина се различни, Украина никогаш не ја нападнала Русија

Јенс Столтенберг / Фото EPA-EFE/SHAWN THEW / POOL

Генералниот секретар на НАТО Јенс Столтенберг, одговарајќи на обвинувањата за западни двојни стандарди, денес рече дека меѓународното право мора да се применува во сите конфликти, но војните во Украина и Газа се многу различни.

Арапските лидери ги обвинија западните земји дека не ги применуваат истите стандарди за израелската војна во Газа, започната како одговор на смртоносниот напад на палестинската милитантна група Хамас на 7 октомври, како што примениле на руската војна во Украина.

Запрашан за ова прашање, Столтенберг рече: „Мојата порака е дека меѓународното право, хуманитарното право, мора да се почитуваат во сите конфликти и животот на цивилите секогаш да се штитат“.

Говорејќи на прес-конференција во седиштето на трансатлантската воена алијанса во Брисел, Столтенберг рече дека е исто така „важно да се признае дека ситуацијата во Газа и ситуацијата во Украина се различни на многу начини“.

„Украина никогаш не претставуваше закана за Русија, Украина никогаш не ја нападна Русија“, рече тој.

„Руската инвазија на Украина беше неиспровоцирана инвазија, инвазија од целосен обем, на друга земја“, додаде тој.

„Значи, се разбира, Украина има право на самоодбрана од неиспровоциран напад и да го поддржува територијалниот интегритет“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот