Територијалната противпожарна единица (ТППЕ) Охрид информира дека пожарот што избувна доцна попладнето во населбата „Гоце Делчев“ (Бараки) е целосно изгаснат, со помош на локалните жители и други доброволци.

Интервенирале 17 пожарникари со четири возила. Горела деградирана шума и сува трева.

„Поради силината на ветерот имаше реална опасност пожарот да пристигне до поблиските објекти, меѓутоа благодарение на нашите пожарникари, месното население и останати доброволци беа избегнати поголеми материјални штети“, велат од противпожарната единица.

Порталот „Охрид њуз“ објави снимка од пожарот.

ТППЕ-Охрид упатува апел до граѓаните да се однесуваат совесно и одговорно, а до надлежните институции да превземат мерки за пронаоѓање и санкционирање на сторителите.

Пак се разгоре шумскиот пожар на Огражден, го гасат три авиони