Стил на неделата: Јована Стојменовиќ, ТВ водителка и главна уредничка на „Убавина и здравје“
Јасмина Филиповска, новинар во „Бекстејџ“ и дел од тимот на „Убавина и здравје“, за „Женски печат“ одбра стил на неделата, а според неа тоа е Јована Стојменовиќ, ТВ водителка и главна уредничка на „Убавина и здравје“.
– Кога ми беше поставено прашањето која жена според мене е синоним за стил, а се занимава со слична професија како мојата, без размислување знаев дека мојот избор е Јована Стојменовиќ. Жена која долги години работи како ТВ водителка, паралелно ја извршува и функцијата главен и одговорен уредник на магазинот „Убавина и здравје“, жена која освен што ниже професионални успеси, важи и за една од најубавите дами кај нас, а приватно зрачи како личност со добрина и има неверојатна харизма на која што можат да ѝ позавидуваат многумина. Со оглед на тоа што сум имала можност приватно да ја запознаам, па и да работам со неа, сè што е погоре наведено е напишано врз основа на моето искуство што сум го стекнала додека сме работеле заедно. Морам да кажам дека ѝ завидувам на непосредноста, начинот на кој со леснотија функционира, секогаш е насмеана, дотерана, позитивна, има неверојатна смисла за хумор и слободно можам да кажам дека е жена од која сум имала можност да научам многу, како за работата, така и за животот, со оглед на тоа што секогаш е расположена за да ви даде совет, да ви помогне, да ви го разубави секојдневието, макар и со ситница, која во тој момент многу ви значи. Жена пример за тоа како треба да изгледа и да се однесува една јавна личност. Зад себе има кариера без ниту една дамка, ниту еден скандал и е обожавана како од страна на колегите, така и од публиката, која се буди секое утро со неа на Сител телевизија и ги чита приказните кои заедно со својот тим ги презентира преку страниците на „Убавина и здравје“, вели Јасмина Филиповска, новинар во „Бекстејџ“ и дел од тимот на „Убавина и здравје“.