Фудбалерот на Удинезе, Лазар Самарџиќ повторно се наоѓа на „радарот“ на актуелниот италијански шампион Наполи, пренесува „Калчомеркато“.

Самарџиќ би можел да го замени македонскиот репрезентативец Елиф Елмас кој одлучи да ја продолжи кариерата во германскиот Лајпциг.

Претходно интерес за репрезентативецот на Србија Самарџиќ покажуваше и Јувентус, но во овој момент Наполи е најблиску до потписот на 21-годишниот играч за врска во нападот.

До сега оваа сезона Самарџиќ во дресот на Удинезе запиша 16 настапи во Серија А, со два голови и две асистенции. Еден од неговите погодоци беше и евроголот токму против Наполи.

Изворот воедно вели објави дека „наполитанците“ следат уште двајца играчи, Бубакари Сумаре (на позајмица во Севиља) и Пјер Емил Хејбјерг од Тотенхем.