Maкедонскиот репрезентативец Елиф Елмас вчера ги помина медицинските прегледи во Лајпциг и иако се е договорено соработката ќе биде официјализирана во моментот кога ќе започне јануарскиот преоден рок.

Елмас за 25 милиони евра ќе ја смени Серија А со Бундеслигата и ќе се обиде таму да го покаже својот квалитет и да напредува во кариерата. Во моментот на трансферот Елмас беше надвор од тимот на Наполи поради повреда и затоа не конкурираше за настап во вчерашниот натпревар против Рома.

Лајпциг од друга страна е на одмор до 2-ри јануари кога тимот заминува во Шпанија на подготовки за вториот дел од сезоната, па тогаш Елмас и официјално ќе се приклучи на тимот.

Дебито на македонскиот репрезентативец во германскиот клуб се очекува на 13-ти јануари кога Лајпциг на домашен терен игра против Ајнтрахт.

ФОТО: Елмас ги комплетираше медицинските прегледи, „дијамантот“ е нов фудбалер на Лајпциг