Пратениците на српскиот парламент ги усвоија измените на Законот за привремено регулирање на начинот на наплата на јавниот медиумски сервис, со кои се зголемува претплатата за јавниот сервис за 50 динари (25 денари).

Наместо сегашните 299 динари (150 денари), таксата ќе биде 349 динари (175 денари). Во образложението на законот се наведува дека најцелисходно предложено решение е во периодот од 1 јануари 2016 до 31 декември 2025 година јавните медиумски услуги делумно да се финансираат од буџетот на Република Србија, а делумно од надоместокот за јавните медиумски услуги, кој би се наплаќал преку сметката за потрошената електрична енергија, со што се обезбедува висока стапка на наплата на даноците.

Ова решение е предложено, како што се наведува, „врз основа на статистички податоци за просечната плата и висината на пензиите во Србија, високите почетни трошоци за печатење и дистрибуција на фактури и несразмерно високите трошоци за започнување на постапката за наплата на неплатени побарувања на од една страна, и потребата од обезбедување услови за непречено извршување на основните активности на јавните медиумски услуги, од друга страна“, објави Нова.рс.