Срамно е Зидан да зборува така за Бејл! – Слободен печат
СпортФудбал

Срамно е Зидан да зборува така за Бејл!

Агентот на Бејл, Џонатан Барнет, ја коментираше ситуацијата пред „ЕСПН", се навреди од најновата изјава на Зидан околу иднината на Велшанецот.

После загубениот натпревар во рамките од Интернационалниот Куп на шампионите од Баерн Минхен, францускиот тренер Зидан изјави дека очекува Бејл да си замине наскоро.

Велшкиот интернационалец има договор со Реал Мадрид до 2022 година и сѐ уште нема заинтересирани за неговиот потпис.

– Срамно е Зидан да зборува на овој начин на некој што му даде толку многу на Реал, и ако Герет замине, ќе биде затоа што е во негов интерес, а тоа нема да биде затоа што тоа го сака Зидан – вели Барнет.

Бејл ја освои ЛШ четири пати со „кралевите“, а минатата година постигна фантастичен гол во финалето против Ливерпул.

Агентот на Бејл изјави дека нема ништо конкретно во однос на понудите за неговиот клиент. Претходно ова лето, Барнет коментираше дека Велшанецот бил подготвен да води битка со Зидан за неговото место во Мадрид.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close