По цели три часа акција и неколку откажувања поради немирното море, во Дубровник доцна попладнево е извлечено телото на турист од Босна и Херцеговина, кој бил повлечен во морето додека се фотографирал со семејството на карпи на местото Бужа, јавија локалните медиуми.

Според информациите на „Дубровачки дневник“, надлежните служби добиле пријава за несреќата околу пладне, по што членови на Пристанишната управа, полицијата и Хрватската крајбрежна стража веднаш излегле на местото на настанот.

Операцијата за извлекување на телото била отежната поради силниот ветер југо и брановите високи до пет метри.

Капетанот на пристаништето Мато Кекез го потврдил завршувањето на операцијата.

Во операцијата учествувал и Доминко Радиќ од Дубровник, кој прв пристигнал на местото на несреќата со својот чамец, но по речиси два часа борба со брановите бил принуден да се откаже поради страв за својата безбедност.

ВИДЕО: Босанец падна од карпа во Дубровник, исчезна во бесното море