На социјалните мрежи со молскавична брзина се споделува видеото на кое се гледа како Лука Ф., италијански државјанин, моли некој да му помогне зошто е заробен во стан со сестрата, која пред 24 часа починала од коронавирус.

Лука на Фејсбук се снимаше во живо како стои покрај креветот каде лежи неговата мртва сестра. Лука тврди дека починала од вирусот и дека има само 47 години.

-Живееме близу Неапол, затворени сме во куќа, Тереза почина вчера – рече Лука на снимката која од неделата со молскавична брзина се споделува на социјалните мрежи.

Момчето вели дека не смее да ја напушти куќата зошто стравува дека се заразил со смртоносниот вирус додека и давал вештачко дишење за да ја оживее. Вели дека им се обратил на властите, ама дека се‘ уште никој не дошол.

-Чекам некој да појави уште од синоќа. Нема никого. Сестрата е тука, мртва. Не знам што да правам, зборува Лука директно во камера.

URGENT: #Covid19 ITALY- “We have been locked in the house with my DEAD sister for 24 hours." "We have been waiting for 24 hours for the outcome of the #Coronavirus swap – explains Luca- nobody told us anything and we are completely abandoned to ourselves" #ITALIA pic.twitter.com/J9zuBGV0TW

— Alexander Higgins – Coronavirus Updates (@kr3at) March 8, 2020

Лука повторно се огласи со нова снимка каде вели дека конечно дошле од погребалната служба и го презеле телото на неговата сестра. Рече дека обдукцијата потврдила дека Тереза починала од коронавирус, а и тој бил тестиран, но ги чека резултатите.

Властите потврдија дека го презел телото на покојната и дека навистина починала од коронавирус, а дополнително наведоа дека станува збор за жена која и претходно имала здравствени проблеми.