Денеска пратениците со 89 гласа „за“ и ниту еден против ги изгласаа промените во Законот за спорт во делот на ваучер-системот и распределбата на парите во износ од десет милиони евра.

Најголемата промена во новата верзија на Законот е во делот за исплата на плати за играчите во клубовите.

Во еден од членовите е предвидено дека само 25-отсто (една четвртина) од добиените пари ќе може да се потрошат за плати на странските спортисти. Ова е со цел за промоција на домашниот спорт, со оглед што три четвртини од сумата добиена преку ваучерот ќе мора да се префрли на сметките на Македонците.

„Предлог измените на Законот за спортот се однесуваат на обезбедување на финансиски поттикнувања по основ на директна државна помош за националните спортски федерации, спортските клубови, активни спортисти од олимписки и неолимписки спортови и други правни субјекти кои имаат решение за вршење на дејност спорт, подигнување на спортот на повисоко ниво во нашата земја и остварување на подобри резултати како во домашни рамки така и на меѓународно ниво“, се вели во објаснувањето на промените на Законот за спорт“, стои помеѓудругото во објаснувањето за промените.