Бил спротивен на законот: Австриската полиција забрани протест против „карикатурите на Мухамед”

Фото: EPA-EFE/FELIX HUBER

Австриската полиција го забрани вчерашниот протест пред француската Амбасадата во Виена, шест дена по терористичкиот напад во градот во кој беа убиени четири лица. Во анализата на полициските власти било утврдиено дека целта на собирот е спротивна на законот.

Организаторите за вчера најавија протест под паролата „Против карикатурите на Мухамед”, со проценка дека на него ќе учествуваат околу 100 луѓе.

На почетокот полицијата немаше причина да го забрани собирот, но вчераутро, на денот на протестот, воведе забрана за собирање затоа што организаторите на Фејсбук го величеа насилството. Австрискиот министер за внатрешни работи, Карл Нехамер, ја поздрави забраната за протестот.

– Новата анализа доведе до забрана за протстот. За мене тоа беше единствената правилна одлука. Не смееме да им даваме простор на идеологиите на исламизмот. Особено по бруталниот напад во Виена, апсолутно е неподносливо група екстремисти да сака да одржи демонстрации. Нема да дозволиме да бидат злоупотребени демократијата, основните права и нашето право на собир, рече тој.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот