Со Вардар ја освои Европа, Парондо номиниран за тренер на годината
Поранешниот стратег на македонскиот и европски шампион е помеѓу номинираните од страна на Интернационалната ракометна федерација за најдобар светски тренер во 2019 година.
Роберт Гарсија Парондо минатата година успеа со Вардар да ја освои титулата во Лигата на шампионите. Од мај 2019 е селектор на египетската репрезентација.
Вардар успеа на Ф4 турнирот во Келн прво во полуфиналето да ја совлада Барселона (29:27) иако имаше дури седум голови негатива на паузата, а во борбата за трофејот триумфираше над Веспрем (27:24).
Во изборот на ИХФ, се најдоа уште Николај Јакобсен, Емануел Мајонад, Кристијан Берге, Карлос Вивер, Амброш Мартин, Маик Мачула, Габор Дањи, Дидие Динар и Торир Хергеирсон.
Да додадеме уште дека Вардарци како што најавуваат, наскоро ќе се вратат во тренажен процес.
– Ни недостасува тренингот, позитивната атмосфера, Спортскиот Центар „Јане Сандански“…Нова сезона, нови предизвици – соопштуваат од РК Вардар.