Со Пандев и Стојановски го напаѓаме Израел! (ФОТО)
Селекторот Игор Ангеловски ги одреди првите 11 кои ќе стартуваат вечерва во последниот квалификациски натпревар за ЕП 2020 против Израел (20.45 часот) на Националната арена „Тодор Проески“ – Скопје.
Влатко Стојановски кој на најдобар начин се претстави во минатиот меч во Виена против Австрија постигнувајќи го првиот гол за националната селекција, овојпат добива комплетна поддршка од селекторот почнувајќи од првата минута.
Покрај фудбалерот на францускиот клуб Ним, во нападот се враќа искусниот Горан Пандев кој ја има капитенската улога.
Повратници во стартниот состав се Муслиу и Николов, а уште една шанса добива младиот Костадинов.
Стартниот состав на Македонија за дуелот против Израел: Димитриевски, Ристевски, Муслиу, Костадинов, Пандев, Ристовски, Д. Велкоски, Николов, Барди, Стојановски, Елмас.
На резервната клупа се наоѓаат: Илиев, Шишковски, Тошевски, Зајков, Аврамовски, Ѓорѓев, К. Велкоски, Несторовски.