Завршена е реконструкцијата на покривната конструкција на основното училиште „Св.Климент Охридски“ во Битола, јавија локалните медиуми.

Од училиштето и од општината велат дека со донацијата, која ја нарекуваат „нова инвестиција“, „значително се подобриле условите за реализација на воспитно-образовниот процес во училиштето“.

„Проектот во вредност од 80.314 евра опфати замена 1.800 м2 кровна површина. Проектот беше реализиран со финансиска поддршка од Јапонската амбасада.Ова е вторпат Јапонија да одобрува грант за обнова и реконструкција во ова училиште“, изјави директорот Предраг Созовски.

Минатата недела во посета на училиштето беше вториот секретар на Амбасадата н.е Накамура. На средбата училиштето се заблагодари за поддршката која во континуитет ја добива од Јапонија и се укажа дека соработка продолжува и понатаму.