Предупредувањето за зимска бура останува на сила за регионот, а на некои места има прогноза и за замрзнат дожд.

Националната метеоролошка служба на САД предвидува до 13 сантиметри снег во Њујорк и до 28 сантиметри во областите северно и североисточно од градот.

Локалните власти ги повикаа жителите да избегнуваат патувања и да останат дома доколку е можно.

Според медиумските извештаи, бурата би можела да ги донесе најголемите снежни наноси во градот во последните три години. Летовите се откажани и на аеродромите во Филаделфија и Балтимор, како и во Торонто, најголемиот деловен центар во Канада.