Словенија со Дончиќ и Драгиќ по одбрана на европското злато
Словенечката кошаркарска репрезентација, актуелниот шампион на Европа, денеска го објави конечниот список на играчи за претстојното Европско првенство.
Оваа селекција ќе ја предводи Лука Дончиќ, кој е еден од осумте играчи кои ја освоија титулата европски шампион во 2017 година.
Покрај Дончиќ, титулата освоена во 2017 година ќе ја бранат и Горан Драгиќ, Јака Блажич, Влатко Чанчар, Жига Димец, Едо Муриќ, Алексеј Николиќ и Клемен Препелич.
Во ростерот на Словенија се и Жига Самар, Лука Рупник, Мајк Тоби и Зоран Драгиќ, кои го пропуштија претходното Европско првенство поради повреда.
Словенечките кошаркари одбраната на титулата ќе ја започнат во четврток, кога на отворањето на континенталниот шампион во Келн ќе играат против Литванија. Во групата „Б“ се наоѓаат и репрезентациите на Франција, Германија, Унгарија и Босна и Херцеговина.
ЕП ќе се одржи од 1 до 18 септември, а ќе се игра во пет градови во четири различни земји.