Сликата „Ветеј, утрински ефект“ на Клод Моне, насликана во 1901 година, беше продадена на аукција за речиси 10,2 милиони евра во Париз, што е рекордна цена постигната во Франција за дело од овој уметник во последните години.

Друга слика од Моне, „Островите во Порт Вил“, насликана во 1883 година, достигна цена од 6,45 милиони евра на истата продажба, пренесува „Фигаро“.

Според „Сотбис“, ова се рекордните цени за дело на Моне продадено на аукција во Франција откако пазарот беше отворен за меѓународни купувачи во 2000 година, кога го укина монополот на своите аукционери врз аукциската продажба и го отвори овој пазар за големи странски аукциски куќи.

Двете слики биле дел од приватни колекции речиси цел век.

Сликата „Ветеј, утрински ефект“ се проценува на помеѓу 6 и 8 милиони евра, а „Острови во Порт Вил“ на помеѓу 3 и 5 милиони. Насликани со разлика од 20 години, обете слики ја прикажуваат Сена на локации во близина на Живерни, северозападно од Париз, каде што живеел Моне, пренесува Танјуг.

Рекордната цена за дело на Моне била 110,7 милиони долари, аза таа сума била продадена сликата „Стогови сено“  во 2019 година во Њујорк.