Нов сериозен инцидент со семејно насилство вчера рано утрото се случил во скопската населба Кисела Вода. 40-годишен насилник го нападнал татка си, а потоа и му го запалил автомобилот, информира МВР.

„На 11.03.2026 во 02:20 часот во Скопје, на подрачјето на Кисела Вода, полициски службеници од СВР Скопје го лишија од слобода В.Т.(40) од Скопје, по претходна пријава дека околу 01:30 часот физички го нападнал неговиот 61-годишен татко, а потоа му го опожарил неговото патничко возило. Од екипа на Бригадата за противпожарна заштита Скопје пожарот бил изгаснат, а увид е извршен од увидна екипа од СВР Скопје. По целосно документирање на случајот ќе следува соодветна пријава“, се вели во полициското соопштение.

Професор барал интимни односи од ученичка во центарско училиште