Две возила се запалиле утринава околу 4 часот на улицата „Џон Кенеди“ во Чаир во Скопје, a потоа пожарот бил изгаснат од екипи на Територијалната противпожарна бригада на Град Скопје, пренесува „Алсат“.

Видеото што го објави телевизијата покажува како автомобилите горат веднаш до станбен објект, а од нив излегува голем пламен и чад.

Од МВР за „Слободен печат“ посочуваат дека пријавено е опожарено патничко возило „сеат алтеа“ со скопски регистарски ознаки во сопственост на А.С.(34).

„Од пожарот зафатени биле и патничко возило ‘мерцедес’ со скопски регистарски ознаки сопственост на С.Х.(34) и патничко возило ‘опел’ со скопски регистарски ознаки сопственост на А.С.(50). Од пожарот оштетен е дел од фасада на зградата и прозорци од угостителски објект во близина. Пожарот е изгаснат од екипа од Бригадата за противпожарна заштита“, соопштија од МВР.

*Веста е ажурирана со изјавата на МВР во 10:27 часот