Синот на Ратко Младиќ најави ревизија на пресудата

Дарко Младиќ, синот на осудениот воен злосторник Ратко Младиќ, чија доживотна казна беше потврдена од судот во Хаг, најави ревизија на пресудата.

Дарко Младиќ изјави дека одделното мислење на судијата Приска Матимба Нијамба ќе биде многу корисно за одбраната за ревизијата.

 

Тој за ТВ Прва изјави дека ќе биде испратено барање и ќе му биде дозволено на Младиќ да замине на лекување, бидејќи тој бил во таква состојба што издржувањето на казната во Велика Британија или Естонија ќе биде смртна казна за него.

 

„Ќе се обидеме повторно да испратиме тим медицински експерти кај него. Видов дека во холандскиот затвор, каде што се наоѓа затворот на ООН, нормално се дозволени посети. Во овој момент само ООН држи некои ограничувања и ми беше јасно уште од почетокот дека ја злоупотребија короната со цел да го прекинат генералот Младиќ од консултации со лекари и адвокати“, рече Дарко Младиќ.

Жалбениот совет на Хашкиот трибунал ја потврди доживотната казна затвор за командантот на Генералштабот на армијата на Република Српска, Ратко Младиќ, пред пет дена.

Одлуките беа донесени со спротивставени ставови на судијата Нијамба, која по секоја точка имаше позитивни мислења за жалбите на одбраната на Младиќ и различните ставови од остатокот на жалбениот совет.

Видео на денот