Синер го совлада Руне, и Ѓоковиќ во полуфиналето на Завршниот мастерс во Торино
Новак Ѓоковиќ, најдобриот светски тенисер, во последното трето коло од „Зелената група“ триумфираше со 2:1 во сетови (7:6, 4:6, 6:1) против Полјакот Хуберт Хуркач на Завршниот АТП мастерс турнир во Торино, Италија.
Поради загубениот сет, српскиот ас за пласман во полуфиналето чекаше и победа на италијанскиот тенисер Јаник Синер против Холгер Руне од Данска.
Синер му направи „услуга“ на Ѓоковиќ совладувајќи го Руне со 2:1 во сетови 6:2, 5:7 и 6:4. Синер со овој триумф го освои првото место во групата, додека Ѓоковиќ заврши како второпласиран.
Во „Црвената група“ останува да се одиграат мечевите и од последното коло, по кое ќе бидат познати ривалите на Синер и Ѓоковиќ во полуфиналните дуели.
After Sinner’s win against Rune…@DjokerNole qualifies for #NittoATPFinals semi-finals for 12th time in 16 appearances! 👏 pic.twitter.com/MMmxAH9Th0
— Tennis TV (@TennisTV) November 16, 2023
В петок од 14.30 часот Карлос Алкараз ќе игра против Данил Медведев, додека од 20.30 часот Андреј Рубљов ќе се соочи со Александар Зверев. Медведев до сега оствари две победи, по една имаат Зверев и Алкараз, а Рубљов ниту една и е елиминиран.
Ѓоковиќ во текот на својата кариера шест пати го освојуваше Завршниот турнир (2008, 2012, 2013, 2014, 2015 и 2022 година), а од минатата година ја брани титулата. Седмиот трофеј би бил рекорден за него, откако на никој досега тоа не му успеало.
The crowd is singing to Jannik Sinner after his win over Holger Rune.
He fully deserves this.
He’s worked so hard to get to this level & make his dreams come true this year.
Doing it in front of his people just makes it that much sweeter. 🥹❤️
— The Tennis Letter (@TheTennisLetter) November 16, 2023
