Силвестер Сталоне тажен до небо поради колегата Брус Вилис: Се молам за тебе и твоето семејство!
Акциониот култен актер, Силвестер Сталоне, се „моли“ за својот долгогодишен пријател, колега и партнер Брус Вилис, откако ја дознал веста за актерот дека му е дијагностицирана дегенеративна состојба и поради тоа ќе мора да се повлече од глумата.
„Се молам за тебе и твоето прекрасно семејство“, напиша тој во својата објава на неговиот инстаграм-профил.
View this post on Instagram
Силвестер и Брус играа заедно во франшизата на „Платеници“, а тогаш и првпат дојде до кавга меѓу нив, каде Силвестер го извади од филмот, нивната караница одекна во медиумите, а во меѓувреме се смирија.
Пријателството беше посилно, па Вилис беше повторно повикан да игра во третиот дел. Силвестер е скршен од тага поради болеста на пријателот и му посакува што поскоро да оздрави.
Актерот објави и три видео снимки со посвета до Вилис, како и неколку фотографии од старите добри времиња, од шоуто на Дејвид Летерман во 2008ма година.
Најзанимлив детаљ од споделените сентименти беше фотографијата зад камерите, која ги воодушеви и трогна следбениците и фановите на обајцата акциони херои.