На некои по капењето во море им пречи солта на кожата, па веднаш се тушираат, други не. Што е подобро за кожата?

Одамна ни е познато дека морската вода, богата со сол, како и воздухот, на многу начини благотворно делуваат на здравјето. Капењето во морска вода, солените сауни и употребата на морска сол во готвењето одамна се дел од културата на живеење. Познати се и влијанијата на морското опкружување врз кожата во одредени услови. Во секој случај, добро е да се знае како морската сол влијае на кожата, пишува порталот „Метрополитен“, која ги сумира резултатите од истражувањето.

Секогаш имајте на ум две работи: морската вода мора да биде чиста и не е погодна за сите типови кожа.

Ублажување на симптомите на егзема

Егземата е често алергиско воспаление на кожата кое се манифестира како испукана, сува кожа која чеша, а понекогаш и како оток. Студија од 2016 година покажа дека морската вода може да има позитивен ефект врз кожата зафатена со егзема. Добрите ефекти доаѓаат од минералите со кои е збогатена морската вода, како што се калциум, магнезиум, калиум, цинк, селен, хром…

Затоа, капењето во морска вода може да влијае на ублажување на симптомите. Главен услов е, се разбира, морето да е чисто.

Ублажување на други алергиски реакции

Морската вода го намалува присуството на имуноглобулин Е, кој предизвикува алергиски реакции, а исто така ја забавува или запира реакцијата на кожата на присуството на одредени други супстанции кои предизвикуваат алергии.

Помош кај псоријаза

Лекарите често препорачуваат натопување во морска вода или во вода со соодветна количина на морска сол за да се ублажат симптомите на псоријаза.

Нема да биде на одмет ако малку повеќе пливате во морето од вообичаено за да го намалите обемот или дури да се ослободите од псоријазата, пишува „Метрополитен“.

Нагласено е, меѓутоа, дека секако тоа не значи дека трајно ќе се ослободите од псоријазата. Иако сè уште не е јасно зошто морската вода ја ублажува псоријазата, истражувачите претпоставуваат дека ги пири крвните садови, ослободува β-ендорфини и енкефалини кои помагаат во потиснување на болката или помага во отстранување на бактериите од површината на кожата.

Природен пилинг

Морската вода може да делува како пилинг за целото тело, отстранувајќи ги мртвите клетки од површинскиот слој на кожата. На тој начин се спречува нивното таложење, што инаку доведува и до појава на акни и митесери.