Шкендија може и со Фелипе против Номе Калју, но…! – Слободен печат
СпортФудбал

Шкендија може и со Фелипе против Номе Калју, но…!

Новото и досега најголемо летно засилување на Шкендија, Хуан Фелипе веќе тренира со своите нови тимски колеги во подготовките за новата сезона.

Потсетување дека Бразилецот Фелипе потпиша договор на една година со македонскиот фудбалски шампион Шкендија.

Тетовските „црвено-црни“ веќе го одиграа првиот меч од 1. квалификациско коло од Лигата на шампионите во Естонија каде што триумфираа минимално со 0:1 против Номе Калју, иако позитивата можеше да биде поголема.


Реваншот е во вторник на 16 јули на Националната арена „Тодор Проески“ во Скопје, се очекува Шкендија да ја оправда уште еднаш фаворитската улога и да се пласира во следната рунда каде што најверојатно ќе налета на шкотскиот гигант Селтик.

Како што информираат од клубот, Фелипе има право да настапи на возвратната пресметка, но најверојатно нема да се ризикува, да се трошат силите против ривал кој навидум после првите 90 минути не изгледаше опасно, топката беше константно кај Шкендија, па би требало оваа пречка без поголеми проблеми да биде прескокната.

Тој се приклучи подоцна во подготовките, па така, Бразилецот ќе продолжи да тренира на физички план, најпрвин започна индивидуално, а тренерот Османи секако го има последниот збор, ќе одлучи дали ќе му даде минутажа и го има дебитантскиот настап за клубот токму против Селтик.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close