Шинед О’Конор замина на рехабилитација
Оваа информација ја објави пејачката на својот Твитер профил под новото име, кое си го додели откако премина на исламот, Шухада Садакат.
Шинед О’Конор, култната контроверзна пејачка, која со песната „Nothning Compares 2U“ стекна светска слава, ја одложи турнејата со цел да може да замине на едногодишната програма за рехабилитација од „трауми и зависности“.
Сето ова, го објави пејачката на својот Твитер профил, која сега има ново име, Шухада Садакат, откако премина на исламот.
– Имав шест многу трауматични години и сето тоа кулминираше оваа година, но сега започнува закрепнувањето, напиша пејачката која со години се бори со менталните проблеми.
Во изјавата 53-годишната пејачка наведува дека оваа година изгубила некоја сакана личност, поради што станала зависна од дрога која всушност не е марихуана.
Пејачката која е добитничка на Греми наградата наведува дека од марихуаната е зависна веќе 34 години и дека тоа е последицата од растењето со многу трауми и злоставување.
Шинед О’Конор веќе неколку години зборува за својата борба со менталното здравје, па така во 2017 година во емисијата „Dr. Phil“ таа откри дека во една година се обидела да се убие осум пати и дека нејзината мајка секојдневно ја тепала.