Управата на Шалке денеска објави дека клубот се наоѓа во финансиска криза која се заканува и со целосно згаснување.

Бундеслигата е суспендирана од средина на март и фудбал во Германија нема да се игра најмалку до мај и поради тоа во Шалке одлучија да побараат помош од своите навивачи.

„Имаме големи број на понуди навивачите да одбијат финансиски надомест за нивните сезонски билети како и за двевните билети кои се веќе купени и сметаме дека таквите потези се неверојатни. Секој што ќе одбие да му се вратат парите, дава свој допринос во стабилизирањето на клубот и во обезбедување на неговото постоење. Клубот моментно се наоѓа во потенцијално критична финансиска состојба која му се заканува на неговото постоење“, стои во соопштението на Шалке.

Од Клубот најавија дека на секој сопственик на сезонски билет кој нема да бара да му се вратат парите ќе добие специјална маичка.

Во Германија моменто е вонредна состојба бидејќи од коронавирусот се заразени повеќе од 100.000 лица, а повеќе од 2.000 лица се починати. Но, екипите во Бундеслигата се надевааат дека кон крајот на мај коронавирусот ќе биде ставен под контрола и ќе може да се доигра првенството.