СЕНЗАЦИЈА: Андреску го освои првиот Грен слем во кариерата! (ВИДЕО)
Канадската тинејџерка Бјанка Андреску (19) во финалето непријатно ја изненади Американката Серена Вилијамс и го освои последниот Грен слем сезонава, „УС Опен“. Славеше против една од најдобрите тенисерки во историјата, откако го освои првиот сет со 6:3, видовме поголема драма во вториот.
Поведе со 5:1, но потоа Вилијамс со голема серија стигна до израмнување. Но, Андреску потоа освои два гема по ред (7:5) и дојде до грен слем титулата, нејзина прва во кариерата.
Андреску оваа година успеа дојде до првите свои трофеи во својата кариера на турнирите во Индијан Велс и Торонто.
Американката така втора година по ред е поразена во финалето во Њујорк, лани загуби од Јапонката Наоми Осака. Воедно пропушти да дојде до 24 грен слем трофеј и се израмни со легендарната Маргарет Корт.
Канаѓанката има само 19 години, пред Отвореното првенство на САД никогаш не се пласирала во третото коло на еден од грен слем турнирите, а сега се најде на тронот. Од понеделник ќе биде петта тенисерка на светот.