Италијанскиот тенисер Јаник Синер обезбеди место во четвртфиналето на Вимблдон, откако со убедливи 3-0 во сетови го совлада Јапонецот Шинтаро Мочизуки (6-3, 7-6, 6-3).

Синер уште од самиот почеток го наметна своето темпо и без поголеми проблеми го освои првиот сет со 6-3. Во вториот Мочизуки пружи далеку посилен отпор, па победникот беше решен во тај-брејк, каде што Италијанецот повторно беше посигурен.

Во третиот сет светскиот рекет број еден повторно ја презеде контролата, стигна до уште еден резултат од 6-3 и го завери пласманот меѓу осумте најдобри на престижниот турнир.

Во борбата за место во полуфиналето, Синер ќе се соочи со Германецот Јан–Ленард Штруф.