Селекторот Лазаров во Каиро патува без Стоилов и уште тројца ракометари
Македонската ракометна репрезентација денеска патува за Каиро каде утре и во сабота ќе одигра два контролни натпревари против селекцијата на Египет, а селекторот Кирил Лазаров во Скопје остави четири ракометари.
Лазаров нема да може да смета на четири ракометари кои ги одработија подготовките во Скопје, а тоа се Стојанче Стоилов, Петар Атанасијевиќ, Градимир Чаневски и еден помеѓу Томислав Јагуриновски и Марко Митев.
Стоилов останува во Скопје бидјеќи неговиот клуб Вардар побара да биде изземен од натпреварите со Египет бидејќи има лесна повреда и „црвено-црните“ сакаат да ја санираат во период кога нема клупски натпревари.
Петар Атанасијевиќ остана во Скопје бидејќи првиот избор Бојан Маџовски е подготвен за настап и ќе патува за Египет.
Голманот Градимир Чаневски не патува за Каиро бидејќи веќе во тимот ги има Митевски и Томовски.
Третата играч што треба да остане е дилема, или ќе биде Томи Јагуриноски кој заработи повреда на зглобот на тренинг и се чека докторите да дадат конечна одлука дали ќе му треба пауза. Тоа ќе се знае во следните час или два. Доколку добие зелено светло Јагуриновски, тогаш во Скопје ќе остане Марко Митев.