Седнал до непознат човек во авионот и се шокирал: Тој бил негов двојник и имале исто име
Марк Гарланд (58), возач на автобус од Троубриџ во Вилтшир, Англија, на 2 март патувал од Лондон за Бангкок. Тој поминал на чекирање, но бил запрен на влезот во авионот од стјуардесата, која му кажала дека веќе е зафатено неговото место.
Вработените во авиокомпанијата биле збунети и им биле потребни 40 минути за да откријат дека всушност имало две лица со истото име, Марк Гарланд на летот, пишува „Дејли мејл“.
British doppelgangers sit next to each other on Heathrow flight and discover they are BOTH called Mark Garland, have four kids… and even have a mutual pal https://t.co/MYbb7rqMLZ pic.twitter.com/aJnIK2nNlg
— Daily Mail Online (@MailOnline) March 5, 2024
Двајцата британци со исто име се сретнале пред да влезат во авионот и биле воодушевени кога виделе дека не само што го делат истото име, туку изгледаат неверојатно слично, и двајцата со избричени глави.
Коинциденциите продолжиле кога на крајот откриле и дека седат еден до друг во авионот, а остатокот од летот го поминале разговарајќи. Набрзо дознале дека живеат само на 24 километри оддалеченост, имаат ист пријател и исто хоби.
Другиот Марк, 62-годишен градежник од Вармли во Бристол, дури понекогаш се вози во автобусот на помладиот Марк. И двајцата се сингл, и двајцата имаат четири деца, иако помладиот Марк никогаш не бил оженет, за разлика од постариот Марк кој сега е разделен. И двајцата го сакаат Тајланд – откако го посетиле повеќе од десетина пати.
Тие си ветиле дека ќе останат во контакт и договориле да се сретнат на пиво во Тајланд на одмор.
„Стекнав пријател за цел живот“, изјавил постариот Марк.