Седлоски: Линколн е незгоден тим, но Шкупи оди на победа
Тренерот на македонскиот шампион Шкупи, Гоце Седловски, вели дека неговите фудбалери се подготвени за стартот на европската авантура.
Шкупи утре од 20.45 часот во рамки на првото квалификациско коло за пласман во Лигата на шампионите ќе игра против Линколн од Гибралтар.
– Ја подготвувам добро екипата, да го дадеме максимумот да ги одиграме овие 90 минути ова е прво полувреме. Со победа би биле задоволни, имаме незгоден тим, доста агресивен, доста трча и знае да се брани. Ќе излеземе од прва минута како во првенството.Имаме нови 11 играчи, но костурот е задржан. Земавме играчи таму каде што ни требаа и мислам дека Шкупи ќе биде повторно силен. Треба време да се вклопат во екипата, но работевме на тоа на подготовките и се надевам дека ќе бидат подготвени за овој предизвик – рече Седлоски.
Капитенот Кристијан Наумовски смета дека Линколн е противник по мерка, но предупредува да не се потцени шампионот на Гибралтар.
– Ќе биде привилегија да играме со Динамо, но одиме прво на Линколн и мислиме само на овој двомеч па после ќе мислиме на другите предизвици. Сакаме да го решиме мечот тука и ако имаме шанса ќе ја искористиме. Ќе дадеме се од себе на двата меча – смета Наумовски.