Се распаѓа моќниот Партизан, Лесор официјално си замина
Матијас Лесор е нов играч на Панатинаикос, официјално објави грчкиот клуб.
Францускиот центар го напушти Партизан по две години и потпиша двегодишен договор со грчкиот тим. Лесор во Панатинаикос ќе игра заедно со Лука Вилдоза кој еден ден претходно ја напушти Звезда и потпиша за грчкиот вицешампион.
Signed on the dotted line ✍
Welcome to our family Mathias Lessort! ☘
Read more: https://t.co/3g4WndvDtA#paobc #panathinaikos pic.twitter.com/711Qtox3W2
— Panathinaikos BC (@paobcgr) June 27, 2023
Партизан со Лесор во изминатата сезона ја освои АБА лигата, а беше еден од кандидатите за МВП наградата во Евролигата, но на крајот мораше да се задоволи со место во најдобрата петорка.
Интерес за Лесор имаше и од Барселона, меѓутоа немаше ништо сериозно. Лесор е роден 29-ти септември 1995 година, а во текот на кариерата играше за Шалон, Нантер, Црвена Звезда, Уникаха, Баерн, Монако, Макаби и Партизан.
Како што стојат работите според она што се случува, Партизан летово ќе формира скоро нов тим бидејќи покрај Лесор уште неколкумина важни членови од оваа сезона нема да го носат црно-белиот дрес наредната.