Тешка сообраќајна несреќа утрово се случила на автопатот кај надвозникот на влезот кон Меѓународниот аеродром Скопје, во која се превртел автомобил.

Според првични информации од очевидци, во несреќата има повеќе повредени луѓе.

Полициски екипи вршат увид на местото на несреќата, а сообраќајот во овој дел од автопатот е целосно во прекин.

Од ЈП „Македонија пат“ информираат дека од 06:06 часот е прекинат сообраќајот на автопатот Куманово – Велес, кај исклучокот од Скопје кон аеродромот.

Сообраќајот е пренасочен преку клучката Рафинерија кај Миладиновци.

Од ТАВ Македонија потврдија дека е изменет режимот на движење кон терминалната зграда, при што возилата се насочуваат по алтернативни правци, а пристапот е овозможен преку стариот влез на аеродромот.

Засега не е познато кога ќе биде нормализиран сообраќајот на главниот приод кон аеродромот.

ФОТО | Тешка сообраќајка кај Плетвар: Еден загинат, превртен камион и колона долга со километри