Полицијата во Охрид вчера уапси 79-годишен возач откако пијан удрил во шест паркирани возила и избегал од местото на сообраќајната незгода.

Според соопштението на Министерството за внатрешни работи, осомничениот имал 1,51 промили алкохол во крвта.

„На 25.06.2026 во 12:20 часот на улица ‘Питу Гули’ во Охрид, полициски службеници од СВР Охрид го лишија од слобода К.Р.(79) од охридското село Коњско. Тој, претходно, на булевар ‘Туристичка’ во Охрид, управувајќи патничко возило ‘мерцедес’ со охридски регистарски ознаки, предизвикал сообраќајна незгода во која оштетил шест паркирани патнички возила, по што не застанал, туку продолжил да го управува возилото“, се вели во соопштението.

Тој подоцна бил пронајден и бил приведен во полициска станица. По целосно документирање на настанот, против него ќе биде поднесена соодветна пријава, велат од МВР.

Пијан возач прегазил пијан пешак во Охрид и избегал – полицијата го пронајде