Во скопската населба Бутел на 25 јуни рано утрото биле опожарени две возила – „пасат“ и „мерцедес“, а едното од нив е во сопственост на скопскиот адвокат Асмир Алиспахиќ. Полицијата работи на расчистување на случајот, додека сопствениците засега не знаат кој стои зад инцидентот.

„На 25.06.2026 година, околу 02:20 часот, во СВР Скопје било пријавено дека на подрачјето на Бутел се опожарени две возила – ‘пасат’ со скопски регистарски ознаки, сопственост на А.А. (42) од Скопје, и „мерцедес“ со велешки регистарски ознаки, сопственост на М.М. (37) од Скопје“, информираат од Министерството за внатрешни работи.

Од МВР додаваат дека увид на местото извршила увидна екипа од СВР Скопје и дека се преземаат мерки за целосно расчистување на случајот.