Српската актерка Анѓелка Прпиќ се породи, на свет донесе девојче, а како што пренесува „Блиц“ породувањето поминало во најдобар ред.

Таа во текот на целата бременост уживаше, а тоа можеше да се забележи по фотографиите објавени на нејзиниот Инстаграм профил.

Инаку, Анѓелка решила на својата наследничка да и го даде името Чарна, по улогата од серијата „Жене са Дедиња“, која всушност ја прослави. Актерката во неколку наврати имаше изјавено дека оваа улога многу ѝ го променила животот.

За Анѓелка и нејзиниот избраник Марко, ова е прво дете, а и двајцата имаат синови од минатите бракови.

Да се потсетиме, пред две години актерката се разведете од Дарио Прпиќ. Врската со Марко ја криеше од јавноста подолг период, бидејќи тој беше најдобар пријател на нејзиниот поранешен сопруг.