Се појавија докази: Ишгл стана жариште на коронавирусот поради доцната реакција на властите?
Обвинувањата дека властите во австриската покраина Тирол, по појавувањето на првите случаи на коронавирус во Ишгл предоцна реагирале, се потврдени со мејлови од Исланд.
Во тие мејлови, кои излегле во јавноста, уште од 5 март се наведуваат хотелите во кои биле туристи од Исланд кои биле заболени од коронавирусот.
Виенскиот магазин „Профил“ наведува дека властите на Исланд го информирале министерството за здравство на Австрија не само за позитивните тестови на нивните граѓани кои се вратиле од одморот, туку неколку часа подоцна и за хотелите во кои биле сместени заболените.
Мејлот со имињата на пет хотели потоа бил проследен од министерството во Виена на покраинските власти во Тирол.
Ден подоцна, на основа на информации добиени од Исланд, била спроведена истрага во наведените хотели, се наведува во изјавата на покраинските власти за „Профил“.
Меѓутоа, се уште нема одговор колку лица биле тестирани на вирусот.
Само еден сопственик на хотел соопштил дека една соработничка, која имала најмногу работа со исландските гости, била прегледана и дека тестовите биле негативните.
За споредба, во случајот на заболена рецепционерка во еден хотел во Инсбрук, биле преземани интензивни мерки, пишува „Профил“.
- Во ски-барот Кицлох се инфицирале стотина Скандинавци, Германци, но и Австрици. Околу 400 луѓе најавија тужби покраината Тирол поради несовесно однесување во случај на ширење на новиот коронавирус во скијачкиот центар Ишгл и обидот за забошотување на заразата.
Хотел со часови бил изолиран и сите гости и цел персонал биле прегледани, како и контактите на заболената жена, по што повеќе лица биле сместени во карантин.
Зошто властите во Ишгл делувале многу помалку отколку во Инсбрук, ќе биде предмет на истрага на обвинителството, но и на истражната комисија на покраината, која наскоро треба да се формира.
Откако Здружението за заштита на потрошувачите поднесе пријава до обвинителството, со сомневање дека властите на Тирол ја одолговлекувале со прекин скијачката сезона, покрената е истрага.
Повеќе стотици лица, кои се заразиле во скијачките центри на Тирол се приклучиле во заедничка тужба, а меѓу нив претежно се туристи од Германија.