Се подготвува продолжението на „Gladiator“- Ридли Скот вели дека сценариото е веќе напишано
Филмот се очекува да ја следи приказната на Лусиус, кој го играше Спенсер Трет Кларк во филмот од 2000 година. Дејствието ќе се одвива 25-30 години подоцна, а се очекува да се појави и ликот на Максимус (Расел Кроу), и покрај тоа што тој умира кон крајот на првиот филм.
Уште во 2018 година, Paramount го одобри снимањето на вториот дел на „Gladiator“, а режисерот Ридли Скот неодамна потврди дека сценариото е веќе напишано. Автор на сценариото за продолжението е Питер Крег, кој исто така стои зад сценаријата на филмовите „The Town“ и „The Batman“.
– Сценариото е веќе напишано. Имаме добра шема и добра, логична насока на движење. Не можеме да направиме уште еден Gladiator-тип на филм. Постојат доволно многу компоненти од првиот од каде треба да ја продолжиме приказната. – изјави Скот за филмскиот сајт Deadline.
EXCLUSIVE: Ridley Scott has begun forward progress on a sequel to #Gladiator https://t.co/5eOdIXFssA
— Deadline Hollywood (@DEADLINE) November 1, 2018
Што можеме да очекуваме од продолжението на „Gladiator“?
Филмот се очекува да ја следи приказната на Лусиус, кој го играше Спенсер Трет Кларк во филмот од 2000 година. Дејствието ќе се одвива 25-30 години подоцна, а се очекува да се појави и ликот на Максимус (Расел Кроу), и покрај тоа што тој умира кон крајот на првиот филм.
Иако засега не се познати дополнителни детали за премисата на „Gladiator 2“, ниту пак е познато кој друг ќе се појави во продолжението, постои надеж дека австралискиот актер Крис Хемсворт ќе добие накаква улога, откако изрази интерес за филмот во април годинава.
Расел и Хемсвтор работеа заедно на „Thor: Love and Thunder“, каде што се очекува Кроу да се појави во улогата на богот Зевс.
Ридли Скот работи со полна пареа
Иако во изминатиот период, Ридли Скот активно работеше на своите два големи проекти „The Last Duel“ и „House of Gucci“, тој сепак одлучи да се зафати со продолжението на приказната на „Gladiator“.
„Gladiator 2“ ќе влезе во продукција веднаш по следниот филм на Ридли Скот, „Kitbag“, што ќе се фокусира на приказната за Наполеон Бонапарта, а улогата на францускиот лидер ќе ја преземе Хоакин Феникс. „Kitbag“ и „Gladiator 2“ се единствените два филма што Скот ги има во најава во моментот.
Во моментов, не е најавен датум за премиера на „Gladiator 2“, но затоа пак, со нетрпение го очекуваме филмот „House of Gucci“, што ќе се појави во кината на 24 ноември.
