Се откажа од Мундобаскет, па заработи 100 милиони долари! – Слободен печат
КошаркаСпорт

Се откажа од Мундобаскет, па заработи 100 милиони долари!

Кошаркарот на Портланд трејл блејзерс, Си Џеј Меколум потпиша нов договор на три години со клубот, и тоа тежок 100 милиони долари.

Портланд минатата сезона во НБА лигата стигна до финалето на Западот каде што загуби со 4:0 во серијата од Голден стејт.

На тој начин Портланд заврши работа што се однесува до сигурни договори со најважните играчи, откако претходно договор на четири години потпис стави Демијан Лилард според кој ќе заработи 196 милиони долари.

Новиот договор ќе биде активен од почетокот на сезоната 2021/22, а 27-годишниот играч беше 10. пик на драфтот.

Во последните три сезони има просек од 20 поени по меч, 37% шут за три, а особено се истакна во последниот плејоф.

Ја водеше екипата до финалето на Западот, во полуфиналето му пресуди на Денвер со 37 поени во последниот меч. Да додадеме уште дека Меколум и Лилард се откажаа од настапот на Светскиот куп за селекцијата на САД.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close