Една од најголемите скијачки во историјата, Американката Линдзи Вон, денеска доживеа тежок пад за време на олимписката трка во спуст во Кортина д’Ампецо.

Вон излета од патеката уште во горниот дел и не успеа да ја заврши трката, а постои сериозна загриженост дека овој инцидент би можел да значи и крај на нејзината богата кариера.

За драматичната ситуација се огласи нејзината сестра Карен Килдоу, која даде изјава за американската телевизија „НБЦ“.

„Беше навистина застрашувачки, бидејќи кога ќе почнеш да гледаш како изнесуваат носила, тоа никогаш не е добар знак. Но,таа се осмели, даде сè од себе и одеше до крај. Многу е тешко да се гледа тоа, но најважно за нас е таа да биде добро“, изјави Килдоу.

Килдоу додаде и дека засега нема многу информации за состојбата на Вон.

„Не знам што ќе се случува понатаму. Очигледно е дека со хеликоптер е пренесена од местото на несреќата, па најверојатно ќе мораме да почекаме. Со неа се сите нејзини хирурзи, физиотерапевти и лекари, така што сигурно ќе нè информираат и ќе одиме во болницата каде што е сместена. Единствено што во моментов го знаеме е дека е на прегледи и се надеваме дека наскоро ќе добиеме повеќе информации“, заврши таа.

Que c’est terrible : Lindsey Vonn 🇺🇸 chute d’entrée ! La légende américaine est contrainte d’abandonner

Suivez les Jeux Olympiques de #MilanoCortina2026 en intégralité sur Eurosport et HBO Max pic.twitter.com/eiPeYSe4fB

— Eurosport France (@Eurosport_FR) February 8, 2026

Линдзи Вон посилна од повредата – додека има шанса, ќе се обиде да настапи на ЗОИ 2026